នគរបាលបញ្ញ្ជូនជនសង្ស័យ៥នាក់ ទៅតុលាការ ពីបទជួញដូរគ្រឿងញៀន
07-August-2018 | ដោយ ពលមនសិការ
តាកែវ៖ មុខសញ្ញាជួញដូរគ្រឿងញៀន៥នាក់ ត្រូវបានកម្លាំងនគរបាលការិយាល័យប្រឆាំងគ្រឿងញៀនបញ្ជូនទៅសាលាដំបូងខេត្តខេត្តតាកែវដើម្បីចាត់ការតាមនីតិវិធីកាលពីព្រឹកថ្ងៃទី៧ ខែសីហា ឆ្នាំ២០១៨។
លោកវរសេនីយ៍ទោ ម៉ាក់ សេរីវឌ្ឍនា នាយការិយាល័យប្រឆាំងគ្រឿងញៀនបានឲ្យដឹងថាកាលពីថ្ងៃទី០៥ ខែសីហា ឆ្នាំ២០១៨ វេលាម៉ោង១៥ និង២០នាទី កម្លាំងជំនាញប្រឆាំងគ្រឿងញៀន នៃស្នងការដ្ឋាននគរបាលខេត្តតាកែវ សហការជាមួយកម្លាំងជំនាញអធិការដ្ឋាននគរបាលស្រុកសំរោង បង្ក្រាបមុខសញ្ញាជួញដូរសារធាតុញៀន និងបំរើសេវាផ្លូវភេទ នៅចំណុចផ្ទះឈ្មោះ ប៉ូ សុខលី ភេទស្រី ស្ថិតនៅក្នុងភូមិពោធិ៍ ឃុំខ្វាវ ស្រុកសំរោង ខេត្តតាកែវ។
ទីតាំងទី១-ក្នុងកិច្ចប្រតិបត្តិការនេះ ឃាត់ខ្លួនជនសង្ស័យបានចំនួន០៦នាក់ៈ ទី១-ឈ្មោះ ប៉ូ សុខលី ភេទស្រី អាយុ៦០ឆ្នាំ រស់នៅភូមិពោធិ៍ ឃុំខ្វាវ ស្រុកសំរោង ខេត្តតាកែវ ដកហូតបានម្សៅក្រាមពណ៌សថ្លាចំនួន១៤៥កញ្ចប់តូច, ទី២-ឈ្មោះ កុយ វណ្ណៈ ភេទប្រុស អាយុ៣៥ឆ្នាំ រស់នៅភូមិ៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងទី៣-ឈ្មោះ សាន់ ស្រីគុន ភេទស្រី អាយុ១៥ឆ្នាំ រស់នៅភូមិ៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដកហូតបានម្សៅក្រាមពណ៌សថ្លាចំនួន១៤កញ្ចប់តូច និងស្ត្រីបំរើសេវាផ្លូវភេទចំនួន០៣នាក់។
បន្ទាប់ពីធ្វើការសាកសួរឈានទៅបង្ក្រាបទីតាំងទី០២-នៅវេលាម៉ោង១៦ និង៥០នាទីនៅចំណុចផ្ទះឈ្មោះ ស៊ុ បុល ស្ថិតនៅភូមិស្វាយរុន ឃុំជំរះពេន ស្រុកសំរោង ខេត្តតាកែវ ឃាត់ខ្លួនបានជនសង្ស័យបានចំនួន០២នាក់ ទី១-ឈ្មោះ ប៉ូ សុខលីម ភេទស្រី អាយុ៤០ឆ្នាំ រស់នៅភូមិស្វាយរុន ឃុំជំរះពេន ស្រុកសំរោង និង២-ឈ្មោះ ស៊ុ បុល ភេទប្រុស អាយុ៤៣ឆ្នាំ រស់នៅភូមិស្វាយរុន ឃុំជំរះពេន ស្រុកសំរោង ខេត្តតាកែវ ដកហូតបានម្សៅក្រាមពណ៌សថ្លាចំនួន២០កញ្ចប់តូច ជញ្ជីញសម្រាប់ថ្លឹងថ្នាំញៀនមួយ និងម៉ូតូមួយគ្រឿង។
លោកវរសេនីយ៍ទោបានបន្តថាក្នុងកិច្ចប្រតិបត្តិការបង្ក្រាបករណីខាងលើនេះឃាត់ខ្លួនជនសង្ស័យបានចំនួន០៨នាក់ ដកហូតវត្ថុតាងរួមមានៈ ម្សៅក្រាមពណ៌សថ្លាបានសរុបចំនួន១៧៩កញ្ចប់តូច, ម៉ូតូ០១គ្រឿង និងជញ្ជីងសម្រាប់ ថ្លឹងថ្នាំញៀន០១គ្រឿង។
លោកនាយការិយាល័យប្រឆាំងគឿងញៀនបានបន្ថែមថាបច្ចុប្បន្នជនសង្ស័យចំនួន០៥នាក់ និងវត្ថុតាងកម្លាំងជំនាញកំពុងកសាងសំណុំរឿងតាមនីតិវិធីបញ្ជូនទៅសាលាដំបូងខេត្តតាកែវ ចំណែកស្ត្រីបំរើសេវាផ្លូវភេទចំនួន០៣នាក់ ដោយយោងតាមការស្តាប់ចម្លើយឃើញថាពុំមានការពាក់ព័ន្ធជាមួយបទល្មើសគ្រឿងញៀននិងមានការឯកភាពពី ឯកឧត្តម ឧត្តមសេនីយ៍ទោ ស្នងការនគរបាលខេត្ត ព្រមទាំងបានការអនុញ្ញាតពី លោកព្រះរាជអាជ្ញា លោកក៏បានដោះលែងឱ្យវិលត្រលប់ទៅលំនៅដ្ឋានវិញផងដែរ៕
ចំនួនអ្នកទស្សនា
- ថ្ងៃនេះ8351
- ម្សិលមិញ16391
- សប្តាហ៍នេះ54581
- ខែនេះ169731
- ឆ្នាំនេះ169731
- សរុប20612187